2017ko ekainetik aurrera, seme-alaben abizenak hautatzean ez da aitarena lehenesten gurasoak bat ez datozenean. Ordura arte, gurasoek esaten zieten Erregistro Zibileko langileei umeari zein abizen jarri lehenengo, amarena edo aitarena, eta ordenari buruzko akordiorik izan ezean, aitarena lehenesten zen.
Haatik, 2017 urtean indarrean sartu zen uztailaren 21eko 20/2011 Erregistro Zibilaren Legeren 
aldaketak nagusitasun hori ezabatu zuen. Gauzak horrela, akordiorik ez badago, Erregistro Zibileko langileek erabakiko dute zein izango den haurraren abizenen hurrenkera, beti ere, horren interes gorena aintzat hartuta.
Orduan, nola aukeratzen da abizenen ordena?
Hiru eguneko epean gurasoek abizenen hurrenkera adosten ez badute, Erregistro Zibileko langileek erabakiko dute zein izango den lehenengo abizena, alfabetikoki, zozketa bidez, edo izenarekin bat egiteko egokiagoa den abizena lehenengo jarriz.
Nolanahi ere, gurasoek kontuan hartu behar dute lehen seme-alabari jarritako abizenen ordena gainerako seme-alabei ere jarriko zaiela.
- JustiziaEus-en jaiotza-inskripzioari buruzko informazio gehiago daukazu.
- Zure abizenen ordena aldatu nahi al duzu? JustiziaEus-en abizenen ordena aldatzeko jarraibideak dituzu.