Apostilladun dokumentua egiaztatu

Apostillatu den dokumentuaren osotasuna egiazta daiteke, bai eta Apostilla elektronikoaren sinadura digitala ere, Ministerioaren Egoitza Elektronikoan.

Apostillatutako dokumentu publikoa jaso duten hirugarrenek dokumentu horren sinadura edo osotasuna egiaztatu ahal izango dute izapide honen bitartez.

Bi zerbitzu horietara sartzeko beharrezkoa izango da apostillako dokumentuan agertzen diren elementu hauek ematea: egiaztapen-kode segurua (CSV), apostilla-zenbakia eta jaulkipen-data.

Baliozkotze hori euskarri elektronikoan egin diren apostillen kasuan bakarrik egin daiteke. Agintaritza eskudunek jatorrian paper-euskarrian digitalizatutako dokumentuen kasuan, beharrezkoa izango da sistemari agintaritza eskudunak emandako kopia elektroniko bera ematea.

Organo judizialen eta fiskaltzaren dokumentuak egiaztatu

Euskal Autonomia Erkidegoko Justizia Administrazioko organo judizialek eta fiskaltzak sortutako dokumentu elektronikoek Egiaztapen Kode Segurua (EKS) dute beren orrialdeetan, paperean inprimatutako dokumentuaren egiazkotasuna eta osotasuna egiaztatzeko.

Dokumentuak egiaztatzeko zerbitzutik egiaztatu ahal izango duzu eskura duzun paperezko dokumentua bat datorrela Euskadiko Justizia Administrazioan agertzen denarekin.

• Dokumentuaren kodea EStik hasten bada, haren benetakotasuna egiazta dezakezu esteka honen bidez (beharrezkoa da modu seguruan sartzea identifikazio elektronikoaren bidez): Dokumentua egiaztatu
•  Dokumentuaren kodea EStik hasten ez bada, ez da beharrezkoa elektronikoki identifikatzea, eta haren benetakotasuna egiaztatu ahal izango duzu esteka honen bidez: Dokumentua egiaztatu