Eskuragarri dauden bitarteko elektronikoen eta sarbideen zerrenda
Abenduaren 19ko 6/2023 Errege Lege Dekretuak 
Justizia Administrazioarekin harremanak bitarteko elektronikoen bitartez izateko duten eskubidea aitortzen die herritarrei, ekainaren 1eko Botere Judizialaren 6/1985 Lege Organikoaren III . liburuko III.tituluaren lehen eta zazpigarren kapituluetan aurreikusitako eskubideak egikaritzeko.
Zehazki, Errege Dekretu Legegilaren 3. artikuluan ezarritakoaren arabera, Justizia eskumena duten Administrazioek kanal edo bitarteko ezberdinak eskainiko dituzte komunikazioak elektronikoki gauzatzeko. Horrela, herritarren sarbidea ziurtatuko dute, betiere norbanako bakoitzaren egoera pertsonala, bitartekoak edo ezagutza kontutan hartu gabe, eta egoki uste duten moduan.
Gainera, Justizia arloan eskumena duten Administrazioek kudeatzen dituzten zerbitzu elektronikoen eremuetan bide ezberdinetatik sartzeko aukera bermatuko dute herritar guztientzat, gutxienez, honako bitartekoen bidez:
- Herritarrentzako informazio- eta harrera-bulegoak, prozedura batean abokatuen laguntzarik eta ordezkaritza prozesalik gabe aurkeztu nahi duten norbanakoentzat.
- Sarbide elektronikorako guneak, alegia, Justizia eskumena duten Administrazio ezberdinek sortutako eta kudeatutako egoitza elektronikoak.
- Egoitza judizial elektronikoen eta Justizia Karpetaren arteko elkarreragingarritasuna.
- Telefono bidezko zerbitzua, herritarrei Justizia Administrazioarekin harremana bitarteko elektronikoen bitartez gauzatzea erraztuko dien segurtasun eta aukera tekniko irizpideak dituena.
- Informazio-gune elektronikoak, eraikin judizialetan.
Botere Judizialaren Kontseilu Nagusiaren Herritarrei Laguntzeko Unitatea .
Euskadiko Justizia Administrazioaren erreklamazioak edo iradokizunak.