Ohiko galderak

Herritarren gunean sarbidea errazteko gidalibururen bat deskargatu dezaket?

Herritarren gunea zer den, nola sartu behar duzun eta eskaintzen dituen zerbitzuak azaltzen dituen gidaliburua jaitsi dezakezu.

• Herritarren gunea: erabiltzailearentzako gidaliburua (PDF, 1 MB)

Nola prestatu behar dut nire ordenagailua Herritarren gunean sartzeko?

Aplikazioan sartzeko nahitaezkoa da Idazki Desktop -sistemak txartelak bidalitako datuak egiaztatzeko erabiltzen duen tresna- ongi instalatuta izatea.

Horrez gain, komenigarria da Idazki Desktop PINa berrerabiltzeko konfiguratzea, iristen zaizun jakinarazpen bakoitzeko PINa sartzen ez ibiltzeko.

• Idazki Desktop Windows, Mac eta Linuxen instalatzeko gidaliburua (PDF, 167 KB) .
• Idazki Desktop-en PINa berrerabiltzeko gidaliburua (Windows eta Mac) (PDF, 329 KB) .

Zein gutxieneko eskakizun bete behar ditut Herritarren gunean sartzeko?

Aplikazioa hurrengo sistema eragileekin bateragarria da:

• Windows 7, 8 eta 10. 
• Mac. 
• Linux. 

Aplikazioak ongi funtzionatu dezan, zure ekipoan hurrengoa instalatuta eduki behar duzu:

• Sartzeko erabiliko duzun txartelaren instalazio-kita: Ziurtagiri bat erabili ahal izateko, ordenagailuaren araberako softwarea instalatuta eduki behar duzu. Erabiliko duzun txartelaren arabera, hurrengo instalazio kit-en bat beharko duzu: 
  • IZENPE (sinadura elektroniko ziurtagiriak igortzen dituen euskal erakundea).
  • FNMT (Fábrica Nacional de Moneda y Timbre, ziurtagiri-zerbitzua ematen duen erakundea).
  • NAN elektronikoa  (3.0 NANa ziurtagiri elektroniko gisa erabiltzeko prestatuta dator): NAN Windows - NAN Linux y Mac .
• Txartel-irakurgailua behar duzu. 
• Idazki Desktop instalatuta izan behar duzu (Izenperen sinatzeko tresna). Aplikazioak zure txartelak igortzen dituen datuak egiaztatzeko software hau behar du. 

Zer da Herritarren gunea?

Aplikazio bat da, eta hurrengo erabilerak ditu:

1. Euskadiko Justizia Administrazioak sortutako dokumentua elektronikoak egiaztatu daitezke, Egiaztatze Kode Seguruaren bitartez. Dokumentuak Kode Seguruaren bitartez Egiaztatzeko zerbitzua. 
2. Euskadiko Justizia Administrazioaren ataritik izapidetutako zure ziurtagiri-eskaerak edo bidalitako erreklamazioen zein iradokizunen egoera kontsultatu daiteke. Zure izapideen egoera kontsultatzeko zerbitzua. 

Aplikazioan sartzeko elektronikoki identifikatzea nahitaezkoa da.

Herritarren gunearen zerbitzuetara sarbidea .

Zer da Euskadiko Egoitza Judizial Elektronikoa?

Berme eta segurtasun maila gorena duen web ataria da, Euskadiko Justizia Administrazioarekin jarduerak, prozedurak eta zerbitzuak elektronikoki egitea ahalbidetzen duena.

Justizia Administrazioarekin internet bitartez jardun nahi duten herritarrei eta justiziako profesionalei (abokatuak, prokuradoreak, lan-harremanetako gradudunak, zenbait erakundetako zerbitzu juridikoak, etab.) zuzenduta dago.

Atariaren bitartez Euskadiko Bulego Judizialetako bakoitzak eskaintzen dituen zerbitzuak zentralizatu nahi dira, sarbidea erraztu eta Euskadiko Justizia Administrazioaren, herritarren eta profesionalen arteko jarduera judizialaren baitako harremanak beharrezko berme prozesalarekin gauzatzeko eremua sortu nahi da.

Beti ezinbestean identifikatu behar al dut?

Ez. Egoitzaren hasierako orrira identifikatu gabe sartu zaitezke, baina zenbait izapide elektroniko egiteko, adibidez, Herritarren eremura edo Profesionalen eremura sartzeko (Avantius-PSP) zure nortasuna egiaztatu beharko duzu.

Identifikatu behar dudanean, zer egin behar dut?

Ziurtagiri elektroniko bat behar duzu, hau da, zure nortasuna elektronikoki egiaztatzea ahalbidetzen duen txartela. Txartela txartel-irakurgailuan sartu, eta ondoren ordenagailua txartel hori erabiltzeko konfiguratu behar duzu (txartel bakoitzak konfigurazio ezberdina du). Azkenik, txartela igorri duen erakundeak emandako urratsak jarraitu behar dituzu.

Egoitzak onartutako ziurtagiri elektronikoak hurrengoak dira:

• NAN elektronikoa  
• Izenpe txartela  
• FNMT txartela (Diruaren eta Zerga-zigiluaren Fabrika Nazionala) 
• ACA txartela (Abokatuen agintaritza ziurtapen-emailea). JustiziaSip-eko profesionalen eremurako bakarrik. 

Zer da Egiaztatze Kode Segurua?

Euskadiko Justizia Administrazioak igorritako dokumentuek Egiaztatze Kode Segurua (EKS) dute. Kode horren bitartez, paperean inprimatutako dokumentuaren baliozkotasuna egiaztatu daiteke.

Dokumentuak egiaztatzeko zerbitzutik paperean daukazun dokumentua eta Euskadiko Justizia  Administrazioak duena bat datozen ala ez egiaztatu dezakezu.

Zerbitzu horretara sartzeko identifikazio elektronikoaren bitartez era seguruan identifikatu behar duzu.

Zer da profesionalen eremua - PSP-Euskadi?

2023/02/24an, PSP-Euskadi aplikazioak behin betiko ordezkatu zuen JustiziaSip. Data horretatik aurrera ez da jakinarazpen telematikorik iristen JustiziaSip-en bidez, eta ezin da idatzi telematikorik aurkeztu sistema horretatik.Aplikazioa kontsulta moduan baino ez dago erabilgarri.

PSP-Euskadi Euskadiko Egoitza Judizial Elektronikoaren baitan justiziako profesionalei zuzendutako eremua da, Euskadiko organo judizialetako auzien izapidetzea errazteko eta unean-uneko egoera zein den kontsultatzeko.

Zerbitzua plataforma seguru batean dago eta eragile juridiko eta órgano judizialen artean informazioa era seguruan partekatu daiteke.

Zerbitzura sartzeko ziurtagiri elektroniko baten bitartez modu seguruan identifikatu behar duzu.